उद्घाटन समारोहमा संस्थापक निर्देशक हरिकृष्ण श्रेष्ठ, शिक्षक अभिभावक संघका अध्यक्ष विष्णु कुमारी रोका, तथा संघका सल्लाहकार र सदस्यहरूको उपस्थिति रहेको थियो। कार्यक्रमका सभाध्यक्ष यजनलाल शाक्यले विद्यालयका खेलकुद संयोजक दिपेन राईज्यूलाई सिठ्ठी र ओलम्पिक झण्डा हस्तान्तरण गर्दै खेलकुद सप्ताहको उद्घाटन गर्नुभयो।
कार्यक्रममा विद्यालयका प्रिन्सिपल डिवि दाहालज्यू, भाइस प्रिन्सिपलद्वय सरोज लकान्द्री र कृष्ण बहादुर जिसी, साथै सम्पूर्ण शिक्षक तथा कर्मचारीहरूको उपस्थिति रहेको थियो। विद्यालयका खेलकुद संयोजक दिपेन राईले सप्ताहव्यापी खेलकुद कार्यक्रमको तालिका तथा विस्तृत जानकारी प्रस्तुत गर्नुभयो।
समारोहमा शिक्षक अभिभावक संघका अध्यक्ष विष्णु रोकाज्यूले उपस्थित सबैलाई शुभकामना व्यक्त गर्नुभएको थियो ।
खेलकुद सप्ताह २०८१ असोज १० देखि १५ गतेसम्म चल्नेछ, जसमा मंतेसरी देखि कक्षा १० सम्मका विद्यार्थीहरु सम्मिलित विभिन्न खेलकुद प्रतिस्पर्धाहरू आयोजना हुनेछन् । कक्षा ११ र १२ तर्फ भने बिहानी सत्रमा खेलकुद असोज ५ गते देखि ८ गतेसम्म संचालन भैसकेको छ । असोज १५ गते भब्य समारोहबीच बृहत समापन समारोहको आयोजना गरिने विद्यालयले जनाएको छ ।
